Thorstein Veblen

Thorstein Veblen
Irudi gehiago
Bizitza
Jaiotza	Cato (en) , 1857ko uztailaren 30a
Herrialdea	Ameriketako Estatu Batuak  Norvegia
Heriotza	Menlo Park (Kalifornia), 1929ko abuztuaren 3a (72 urte)
Familia
Anai-arrebak	ikusi Andrew Anderson Veblen (en)
Familia	ikusi Oswald Veblen (en) (iloba)
Hezkuntza
Heziketa	Johns Hopkins Unibertsitatea Carleton College (en) 1880) Artean graduatu Yale Unibertsitatea 1884) Doktoretza
Hezkuntza-maila	Doktoretza
Tesi zuzendaria	William Graham Sumner
Doktorego ikaslea(k)	George W. Stocking, Sr. (en) Herbert J. Davenport (en)
Hizkuntzak	ingelesa norvegiera
Ikaslea(k)	ikusi Katharine Bement Davis (en)
Jarduerak
Jarduerak	ekonomialaria, soziologoa, idazlea eta katedraduna
Enplegatzailea(k)	Missouriko Unibertsitatea Chicagoko Unibertsitatea Stanford Unibertsitatea New School for Social Research
Lan nabarmenak	ikusi The Theory of the Leisure Class (en)
Jasotako sariak	ikusi John Addison Porter Prize  (1884)
Sinesmenak eta ideologia
Erlijioa	ateismoa
Alderdi politikoa	Amerikako Alderdi Sozialista

Thorstein Veblen (Manitowoc, Wisconsin, 1857 – Kalifornia, 1929) Estatu Batuetako ekonomialaria eta soziologoa izan zen. Estatu Batuetako erakunde sozialak eta ekonomikoak, eta haien oinarri psikologikoak, aztertu zituen. Orobat, lehen obretan bereziki, Darwinen bilakaeraren teoria, bizitza ekonomiko modernoari aplikatu zion, eta aitzindari izan zen teknikariek gizartean betetzen duten zeregina aztertzen. Veblenen ustez oinarrizko kontraesan bat da industriaren prozesu modernoaren eta negozio eta finantzen bide zentzugabeen artean, alegia, batetik gauzak eta bestetik dirua egitearen artean. Betiere, ekonomiari buruzko ideia horiek gizartearen beste alorretara zabaldu zituen (entretenimenduak, moda, erlijioa, kirolak, estetika), eta ospe handiagoa lortu zuen gizartearen kritikari gisa ekonomian baino; izan ere, ekonomialari askok kritika zorrotzak egin izan dizkiote, ekonomiaren teoria ortodoxoa kontuan hartzen ez zuelako. Beste askok, ordea, Veblenen ideia batzuen zorroztasuna eta originaltasuna azpimarratu izan dute. Ezaguna da kontsumo arranditsuaren kontzeptua sortu zelako. Kontzeptu horren arabera, bada alfer klase gutiz aberats bat bere ardura nagusia kontsumo arranditsua, hots, bistakoa, egitea dena aberatsa dela erakusteko.^[1]

Lanak

• Theory of the Leisure Class (1899, Klase aberats alferraren teoria),
• The Theory of Business Enterprise (1904, Enpresen teoria)
• The Engineers and the Price system (1921, Ingeniariak eta prezioen sistema).

Erreferentziak

Wikimedia Commonsen badira fitxategi gehiago, gai hau dutenak: Thorstein Veblen

• Datuak: Q73646
• Multimedia: Thorstein Veblen / Q73646