Santa Maria della Pieve

Artikulu honek erreferentziak behar ditu. Hemen erreferentzia egiaztagarriak gehituz lagun dezakezu.

Santa Maria della Pieve
Kanpoaldea   Barnealdea   Planoa  Irudi gehiago
Kokapena
Estatu burujabe	Italia
Eskualdea	Toscana
Probintzia	Arezzoko probintzia
Italiako udalerri	Arezzo
Koordenatuak	43°27′54″N 11°53′01″E / 43.464875°N 11.883594°E / 43.464875; 11.883594
Historia eta erabilera
Izenaren jatorria	Maria
Erlijioa	katolizismoa
Elizbarrutia	Roman Catholic Diocese of Arezzo-Cortona-Sansepolcro (en)
Izena	Maria
Arkitektura
Estiloa	arkitektura erromanikoa
Webgune ofiziala

Santa Maria della Pieve eliza bat da Arezzon, Toscanan, dagoena.

Historia

Eliza 1008. urtetik dago dokumentatuta, eta XII. mendean berreraikia izan zen^[1]. Arezzoko aldi komunalean hiriak bere gotzainen aurka borrokatu zuelarik, eliza honetan zuten bilgunea sektore komunal horiek. Gotzainaren alderdiak gertuko katedrala eraiki ondoren, XIII. mendean, elizaren fatxada eta absidea berritu ziren, eta barrualdea estilo gotikoan berregin zen^[2].

Kanpandorrea 1330ean amaitu zen, eta estilo erromanikoan eraikia dago.

Deskribapena

Elizaren ezaugarririk deigarriena fatxada da, bost arkuko beheko solairua hiru logiak gainditzen dutelarik, eta zutabe kopurua handituz gorapenarekin. Zutabeak eta haien kapitelak ez dira besteak bezalakoak (bat estatua bat da). Jatorrizko fatxadak ez zuen ezaugarri berezirik, eta gaur egungo dekorazioa XII. mendean erantsi zen.

Erdiko atariak kanoi-ganga formako sarrera bat du, eta Ama Birjinaren erliebea aingeruekin duen erliebea. Azpian aingeru txikiak dituen friso bat dago, eta Marchionne delako baten sinadura. Gangan hilabeteen irudi alegorikoak daude, Benedetto Antelamiren eskolako irudiak. Alboko bi atariek ere, tamaina txikiagokoak, luneta apainduak dituzte: eskuineko Kristo Joanesek bataiatua irudikatzen du eta, ezkerreakoan landare-motibo bat da nagusi.

XIII. mendeko absideak ere bi lerro ditu logiaz osxatuak, fatxadaren egitura gogorarazten dutenak, eta kapitaletan estilo desberdinen erabilera errepikatzen dute. Abside hau Arezzoko Piazza Grande delakotik ikusten da nabarmen.

Barrualde altuak nabe bat eta bi korridore ditu, luzetarako arku ogibalez zatituak, eta horien zutabeek kapital korintoarrak dituzte. Kontrafatxadak bederatzi leiho ditu hiru lerrotan. Goiko aldarean poliptiko aberats bat dago, Pietro Lorenzettirena (1320): Ama Birjina eta Santuak ordezkatzen irudikatzen dituzte margoek. Kriptan San Donatoren erlikiak gordetzen dira busto formako erlikontzi zilarreztatu batea, 1346an egina.

Iruditegia

• 
  Fatxada bere zutabe multipleekin.
• 
  Absidea eta bere logiak, Piazza Granden.
• 
  Barrualdea.
• 
  Lorenzettik margotutako poliptikoa.
• 
  San Donatoren erlikiak.

Erreferentziak

Kanpo estekak

• Artikulu hau, osorik edo zatiren batean, Ingelesezko Wikipediako «anta Maria della Pieve» artikulutik itzuli da; zehazki, 2021-01-17ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.

• Datuak: Q1475948
• Multimedia: Santa Maria della Pieve (Arezzo) / Q1475948