PSV Eindhoven

PSV Eindhoven

Ezizena(k)	Boeren ("Baserritarrak"), Rood-witten ("Zuri-gorriak")
Sorrera	1913
Futbol zelaia	Philips Stadion edukiera: 35.000 lagun inaugurazioa: 1913
Presidentea	Toon Gerbrands
Entrenatzailea	Peter Bosz
Liga	Eredivisie
2023-24	1.a
Webgunea	Webgune ofiziala
Etxekoa 　 Kanpokoa

PSV Eindhoven edo Philips Sport Vereniging Eindhoven Herbehereetako Eindhoven hiriko futbol talderik onenetakoa da, Liga eta Kopa palmaresari dagokionez bigarrena. Hainbat liga eta kopa irabazteaz gain 1988an Europako Kopa irabaztea lortu zuen, hau eskuratzen duen hirugarren talde herbehereetarra da. Etxeko partidak Philips Stadionen jokatzen ditu.

Historia

Gerra aurreko urteak

Eindhoveneko Philips lantegiko langileek beren aisialdirako Philips Elftal taldea sortu zuten 1910an baina diru arazoak zirela eta talde berria eratu behar izan zuten 1913an, Philips Sport Vereniging Eindhoven. Hainbat kiroletan hartzen zuten parte baina 1916an agertu zen futbol taldea. 1915 arte ez zen lehen mailara igo eta 1929an lortu zuen lehenengo Liga txapelketa.

50eko hamarkada

Gerra amaitu eta 1950an izugarrizko denboraldia egin zuen Liga eta Kopa irabazi baitzituen. 1955ean Europako Kopa jokatu zuen, lehenengo talde holandarra izan zelarik.

70eko hamarkada

René eta Willy van de Kerkhof anai bikiak 1973an fitxatu eta garai eder bati hasiera eman zion. 3 Liga eta 2 Kopa irabazi zituen, baina are garrantzitsuagoa zena, UEFA Kopa eskuratu zuen 1978an.

80ko hamarkada

1984ean Guus Hiddink jokalari ohia entrenatzailearen laguntzaile bihurtu zen eta 1987an entrenatzaile hartu zuten. Bere eskutik iritsi zen taldearen "urrezko aroa". Lau liga jarraian eskuratu zituen eta hiru kopa ere bai. 1988an Europako Kopa eskuratu zuen SL Benfica penaltietan garaitu zuelarik. Jokalari handiak zituen, Ruud Gullit (1987 arte) eta Ronald Koeman.

90eko hamarkada

1990an Hiddinkek taldea utzi eta Bobby Robson ingelesak hartu zuen ardura. Ronaldo eta Romário brasildarrak fitxatu zituzten baina ez zuten esperotako emaitzarik lortu.

XXI mendea

Mende berrian Europa mailan emaitza aipagarririk lortu ez badu ere Herbeheretan talde nagusietako bat izan da 6 Liga eta bi Kopa eskuratu dituelarik. Zazpi urteren ostean 2015ean Liga irabazi zuen eta hurrengo urteetan ere maila bikainean ibili da beste bi liga eskuratuz.

Uniformea

Historikoa

1913-197?

197?-1988

1989-tik

Azken urteak

2018-2019

2019-2020

2020-2021

2021-2022

2022-2023

2023/2024 Taldea

2023ko uztailaren 20an eguneratua.

Zbk. Postua Jokalaria 1 ATE Walter Benítez 3 ATZ Jordan Teze 4 ATZ Armando Obispo 5 ATZ André Ramalho 6 ERD Ibrahim Sangaré 9 AUR Luuk de Jong 16 ATE Joël Drommel 17 ATZ Mauro Júnior 18 ATZ Olivier Boscagli 20 ERD Guus Til 21 AUR Anwar El Ghazi

Zbk. Postua Jokalaria 23 ERD Joey Veerman 24 ATE Boy Waterman 27 AUR Johan Bakayoko 28 ERD Ismael Saibari 29 ATZ Phillipp Mwene 30 ATZ Patrick van Aanholt 41 ATE Kjell Peersman - ATZ Fredrik Oppegard - AUR Yorbe Vertessen - ATZ Shurandy Sambo - ATZ Timo Baumgartl

Palmaresa

Herbehereetan: 48

• Herbehereetako futbol liga (25): 1928–29, 1934–35, 1950–51, 1962–63, 1974–75, 1975–76, 1977–78, 1985–86, 1986–87, 1987–88, 1988–89, 1990–91, 1991–92, 1996–97, 1999–00, 2000–01, 2002–03, 2004–05, 2005–06, 2006–07, 2007–08, 2014-15, 2015-16, 2017-18, 2023-24.
• Herbehereetako futbol kopa (11): 1949–50, 1973–74, 1975–76, 1987–88, 1988–89, 1989–90, 1995–96, 2004–05, 2011–12, 2021-22, 2022-23.
• Johan Cruyff Kopa (12): 1992, 1996, 1997, 1998, 2000, 2001, 2003, 2008, 2012, 2015, 2016, 2021.

Nazioartean: 2

Kontinente arteko Futbol Kopa

• Txapelduna(0)
• Finalista (1): 1988.

Europako Kopa

• Txapelduna (1): 1988.

Europako Superkopa

• Txapelduna (0)
• Finalista (1): 1988.

UEFA Kopa

• Txapelduna (1): 1978.

Jokalariak

• René van de Kerkhof (1973-83).
• Willy van de Kerkhof (1973-88).
• Ruud Gullit (1985-87).
• Ronald Koeman (1986-89).
• Ronaldo (1994-95).
• Phillip Cocu (1995-98 eta 2004-07).
• Dmitri Khokhlov (1997-99).
• Ruud van Nistelrooy (1998-2001).
• Patrick Kluivert (2006-07).

Entrenatzaileak

• Guus Hiddink (1987-90 eta 2002-06).
• Bobby Robson (1990-92 eta 1998-99).
• Ronald Koeman (2006-07).

Euskal taldeen aurkako partidak

Hauek dira Europako txapelketa ofizialetan PSV Eindhovenek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
2021-22	UEFA Europa League	Liga fasea	PSV Eindhoven Real Sociedad	2-2 3-0	Real Sociedad PSV Eindhoven

Kanpo estekak

• (Nederlanderaz)(Ingelesez)(Gaztelaniaz)Webgune ofiziala

• Datuak: Q11938
• Multimedia: Philips Sport Vereniging / Q11938