Maria M. Gosse

ambassador of Germany to Spain ^(en)

2022 -
← Wolfgang Dold ^(en)

Bizitza

Jaiotza

1962ko uztailaren 6a (61 urte)

Jarduerak

diplomazialaria

Maria Margarete Gosse (Munich, Alemania, 1962ko uztailaren 6a) alemaniar diplomazialaria da. 2022tik, Alemaniako Errepublika Federaleko enbaxadorea da Espainian.^[1] ^[2] 2018tik 2022ra Berlingo Kanpo Harremanetarako Ministerio Federaleko Zuzendaritza Nagusi Nagusiko zuzendaria izan zen.^[3]

Biografia

1982tik 1990era Zuzenbidea ikasi zuen Munich eta Ratisbonako unibertsitateetan. 1993an Estatuko bigarren azterketa juridikoa onartu zuen.

Lan ibilbidea

Maria Margarete Gosse 1994an sartu zen Kanpo Zerbitzuan. Aholkulari tekniko gisa hasi zuen karrera diplomatikoa, Bonneko Kanpo Harremanetarako Ministerio Federaleko Estatu Idazkarien Kabinetean. 1996an, Kontsulatu Orokorreko kontsulak Bartzelonan hartu zuen lehen helmuga kanpoan. Kargu horren ondoren, aholkulari teknikoa izan zen Langileriaren Gai Orokorren Dibisioan eta ministroaren kabinetean Berlingo Kanpo Harremanetarako Ministerio Federalean. 2004an, urtebetez, txinera ikastaroa egin zuen. Ondoren, Pekingo enbaxadara bidali zuten, prentsa-buru gisa (2005-2008). Berlinera itzuli zenean, Kaukasorako eta Erdialdeko Asiarako Dibisioko alboko zuzendari kargua hartu zuen. 2010etik 2012ra Alemaniak Parisen duen enbaxadan egon zen, Gai Juridiko eta Kontsularren ataleko buru gisa.

2014tik 2017ra bitartean, Maria Margarete Gosse izan zen Berlingo Kanpo Harremanetako Ministerio Federaleko Langileen eta Antolaketaren Gai Orokorren Ataleko burua. Ondoren, urtebetez, Gai Juridiko eta Kontsularretarako zuzendaria izan zen, Migrazio Gaietarako barne. 2018tik 2022ra Berlingo Kanpo Harremanetarako Ministerio Federaleko Zuzendaritza Nagusiko zuzendaria izan zen. 2022ko abuztuaren 22an, Alemaniako Errepublika Federaleko enbaxadore kargua hartu zuen Espainian, lehen emakumea kargu horretan.^[4]^[5]

Maria Margarete Gosseren hitzetan:

"Badakit lanpostu batean lehena izatea zaila dela, horregatik sortzen ditut emakume-sareak"^[5]

Bestalde, FIFAren aurkako protesta argia egin zuen Japoniako selekzioari laguntzeko. Japoniako Qatarreko Munduko Txapelketan hasi zenean, LGTBI+ komunitatearen aldeko besokoa eramatea eragotzi zien taldekideei.^[6] Horren aurrean zera esan zuen Alemaniako Gosse enbaxadoreak:

“Kapitainaren besokoa eramatea debekatzea hitz egitea debekatzea bezalakoa da. Giza eskubideak ez dira negoziagarriak”^[6]

Bestelako jarduerak

Advisory Council on German Federal Administration and Civil Societyko kidea

Erreferentziak

↑ (Alemanez) Amt, Auswärtiges. «Embajadora de la República Federal de Alemania en España Maria Margarete Gosse» spanien.diplo.de (Noiz kontsultatua: 2023-03-01).
↑ (Gaztelaniaz) «María Gosse, nueva embajadora de Alemania en España en sustitución de Wolfgang Dold» www.larazon.es 2022-08-30 (Noiz kontsultatua: 2023-03-01).
↑ (Gaztelaniaz) «Maria Margarete Gosse: «Alemania ha aprendido que tiene que escuchar más a los países del sur de Europa»» abc 2022-10-16 (Noiz kontsultatua: 2023-03-01).
↑ Embajadora de la República Federal de Alemania en España Maria Margarete Gosse. .
↑ ^a ^b (Gaztelaniaz) «Maria Margarete Gosse: "Sé que es difícil ser la primera en un puesto, por eso creo redes de mujeres"» El Español 2022-12-15 (Noiz kontsultatua: 2023-03-01).
↑ ^a ^b (Gaztelaniaz) «La embajadora alemana: “Prohibirnos llevar el brazalete de capitán es como prohibirnos hablar”» www.larazon.es 2022-11-23 (Noiz kontsultatua: 2023-03-01).