Kopernikarra

Ilargiaren denbora lerro geologikoan, Kopernikar Periodoa duela 1100 milioi urte hasi zen eta gaur egun arte iraun du. Periodo geologikoak Koperniko kraterrari zor dio izena, krater distiratsuetako bat dugu aipatutakoa, baina ezin dugu periodo geologikoaren oinarritzat hartu. Gaur arte ez da aurkitu periodo honetan erupzionatu zuen ilargi-itsasorik, horregatik uste da garai honetan Ilargian bulkanismorik ez zela egon edo egon bazen, ez zela apartekoa izan.^[1]

Periodo geologiko honen oinarria ulertzeko, Ilargiaren lurrazalera azaleratzen diren material gehienak distiratsuak direla esan beharra dago, eta espazioko higaduraren ondorioz, denbora pasa ahala, iluntzen joaten direla. Periodo honi hasiera eman zion gertakizuna, garai batean, talka kraterren izpi distiratsuen sistemen desagerpena zela uste zuten. Alabaina, lehen definizio horrek zenbait aurkari ditu, besteak beste, azken ikerketek frogatutzat eman dutelako krater jakin batzuen distira ez dela meteorizazioaren ondorioa, osaera kimiko berezi batena baizik. Adibide gisa jar ditzakegu Ilargiaren lur garaietako kraterrak; hauek anortositazko material distiratsuek osatzen dituzte eta beraz, kraterra degradatu ondoren ere, distiratsua izaten jarraituko du guneak.

Azpian dagoen denbora lerroan kolore grisez ageri da Periodo Kopernikarra, Periodo Eratosteniarraren alboan, bere amaierak eman baitzion hasiera gaitzat dugun garai geologikoari.

Lurra garai geologiko honetan zehar

Periodo geologiko zabala dugu Kopernikarra eta hortaz, Lur planetako eskala kronoestratigrafikoan homologo ugari ditu. Periodo Kopernikarraren hasiera Garai Neoproterozoikoak bete zuen gure planetan eta hortik aurrera, Eoi Fanerozoikoaren barneko banaketa guztiek. Lurreko bizi zelulaniztunaren garapen handiena garai honetan zehar gertatu zen, zalantza barik.

Erreferentziak

• i
• e
• a

Ilargia

Ezaugarriak eta
jatorria

Atmosfera • Grabitazio-eremua • Eremu magnetikoa • Orbita • Talka handiaren hipotesia • Barne egitura

Geologia

Itsasoak (Zerrenda)	Procellarum • Imbrium • Nectaris • Frigoris • Serenitatis • Fecunditatis • Insularum • Nubium • Tranquillitatis • Crisium
Kraterrak (Zerrenda)	Copernicus • Kepler • Aristarchus • Plato • Grimaldi • Byrgius • Langrenus • Stevinus • Tycho
Historia geologikoa	Denbora lerroa Aurrenektariarra • Nektariarra • Imbriarra (Goiztiarra eta Berantiarra) • Eratosteniarra • Kopernikarra Gertaerak Magmazko ozeano globala • KREEP • Bonbardaketa Berantiar Handia

Behaketa eta
esplorazioa

Misioak eta zundak	Apollo programa • Lunar Orbiter • Ranger • Surveyor • Chang'e 4 • Lunar Reconnaissance Orbiter • Ilargiaren kolonizazioa • Ilargiko arroka
Behaketa	Ilargiaren aldiak • Ilargiaren alde ezkutua • Ilargiaren alde ikusgaia • Ilargiko teleskopioak

Kategoria Ilargi-itsasoak

Kanpo estekak