Kontrasta

Kontrasta
Euskal Herria
Herriaren ikuspegi orokorra.

Kokapena
Herrialdea	Araba
Udalerria	Harana
Administrazioa
Posta kodea	`01117`
Geografia
Koordenatuak	42°46′14″N 2°17′43″W / 42.77047082°N 2.29525208°W / 42.77047082; -2.29525208
Demografia

Kontrasta Arabako ekialdeko herri eta kontzeju bat da, Haraneko udalerrikoa, Mendialdeko kuadrillakoa. 2005ean 88 biztanle zituen.

Geografia

825 metroko garaieran dago, tontor batean, Haraneko udalerriko ekialdean. Opakuako mendatea Arabako Lautadarekin lotzen duen herria da.

Historia

Erromatarren konkistaren aurretik, Kontrastako lurrak barduliarren eremuaren barruan zeuden.

Elizmendiko ermitaren hormak eraikitzeko erromatar motako 17 hilarri erabili ziren, II. mendetik aurrerakoak gehienak.^[1] Hori dela eta, bertan erromatar garaian gune bat egon zela uste da.

Erdi Aroan berebiziko garrantzia izan zuen, Nafarroarekin mugakidea izanda. Hiribildua izan zen 1256. urtetik aurrera, urte hartan hiri-gutuna jaso baitzuen. Aurretik, gune honen izena Arana izan zen.^[2]

Karlos II.a Nafarroakoak 1368an hiribildua konkistatu arren, 1377an Ruy Diaz de Rojasek Henrike II.a Gaztelakoarentzat berreskuratu zuen.

Denbora luzez udalerri independentea izan ostean, 1942an Aldarekin eta Done Bikendi Haranarekin fusionatu zen, Harana udalerri berria sortzeko.

Garraioa

Eskualdeko Garraioa sareak linea bat ditu herrian:

Eskualdeko Garraioa

Zerbitzua	Hasiera	Ibilbidea	Amaiera ⁠
19a	Alda Santikurutze	Kontrasta • Uribarri Harana • Done Bikendi Harana • Oteo • Orbiso • Bujanda • Antoñana	Alda Santikurutze

Ondasun nabarmenak

Elizmendiko Andra Mari baseliza erromanikoa(X-XI. mendea). Nabarmentzekoa, absideko hormak erromatar jatorriko hilarriez eraikita dituela.
Elizmendi ermita
Teilatupeko irudi geometrikoak
Andra Mari irudia, XII mendekoa
Erromatar garaiko estela edo hilarria.

Laboreak eta basoa.

Erreferentziak

↑ (Gaztelaniaz) Echevarría, Ana. (1989). «La cronología de las inscripciones funerarias latinas de Alava» Munibe 44: 133-152. ISSN 0027 - 3414 ISSN 0027 - 3414..
↑ (Gaztelaniaz) Martínez Torrecilla, J. M.; Plata Montero, A.; Sánchez Pinto, I. eta Solaun Bustinza,J.L.. El recinto fortificado de la villa de Contrasta (Valle de Arana, Álava), ISBN 978-84-691-9571-0 Hemen irakur daiteke. [ikusia: 2020-07-02]

Ikus, gainera

Kanpo estekak

Kontrastari buruzko informazioa Haranako webgune ofizialan
(Gaztelaniaz) Kontrasta Auñamendi entziklopedian
(Gaztelaniaz) Elizmendiko Done Mari baselizari buruzko informazioa^{[Betiko hautsitako esteka]}