Itsasoaz haraindiko britainiar lurralde

Itsasoaz haraindiko britainiar lurrraldeak (British Overseas Territory, ingelesez) Erresuma Batuaren subirautzapean eta kontrolpean dauden koloniei deitzen zaie. Lurralde hauek ez dira Erresuma Batuaren zati Ingalaterra edo Ipar Irlandaren modura adibidez.

Gaur egun menpeko lurralde hauek ez ditu zuzenean Erresuma Batuak administratzen. Bakoitzak bere gobernua du eta Erresuma Batua beraien babes eta kanpo harremanetaz arduratzen da. Hori horrela izanik, ez dute Britainiar Parlamentuan ordezkapenik.

Charles III.a, lurralde horietan Erresuma Batuko errege bezala ezagutzen da eta menpeko lurralde guztiek onartzen dute beraien errege gisa.

Lurralde bakoitzak gobernadore bat du Erresuma Batuko monarkak aukeratua —Erregeak— eta "Bere Maiestaren Gobernu"-ko ordezkari bezala jarduten du.

Lurraldeen zerrenda

•  Akrotiri eta Dhekelia: Episkopi
•  Aingira: The Valley
•  Bermuda: Hamilton
•  Birjina uharte britainiarrak: Road Town
•  Britainiar Lurralde Antartikoa: Rothera
•  Gibraltar: Gibraltar
•  Hegoaldeko Georgiak eta Hegoaldeko Sandwichak: King Edward Point/Grytviken
•  Indiako Ozeanoko Britainiar Lurraldea: Diego Garcia
•  Kaiman uharteak: George Town
•  Falklandak: Stanley
•  Montserrat: Plymouth (de iure), Brades (de facto)
•  Pitcairn uharteak: Adamstown
•  Santa Helena, Ascension eta Tristan da Cunha: Jamestown
•  Turkak eta Caicoak: Cockburn Town

Ikus, gainera

• Britainiar koroaren dependentziak

Kanpo estekak

• United Kingdom Overseas Territories Association (Ingelesez)

• Datuak: Q46395
• Multimedia: British Overseas Territories / Q46395