Irutxuloko Hitza

Irutxuloko Hitza

Mota	Astekaria
Fitxa teknikoa
Hizkuntza	Euskara
Argitaratze lekua	Donostia
Gai nagusia	Hiria
irutxulo.hitza.eus

Irutxuloko Hitza Donostiako berriak jasotzen dituen euskara hutseko astekaria da, Irutxulo astekariaren oinordekoa. Lehen alea 2005eko otsailaren 17an kaleratu zuten. Hasiera batean egunkari gisa hasi bazen ere, gerora astekari formatura pasa zen. Egun, ostiraletan argitaratzen da papereko edizioa eta irutxulo.hitza.eus webgunean unean uneko albisteak aurki daitezke.

Artikulu honek autopromozio eta publizitate kutsua du.
Idazketa aldatzen, erreferentziak gehitzen edo bestelako iritziak azaltzen ez badira, baliteke ezabatua izatea.
(eztabaida)

Historia

Donostiako Hedabideak SL 2005eko otsailean sortu zen, Donostian euskarazko esparru komunikatibo osoa garatzeko xedearekin. Hiriko euskararen normalizazioan eragiteko eta beste lekuetan tokirik ez duten protagonisten eta gaien berri emateko jaio zen proiektua.

Bere aurrekaria Irutxulo aldizkaria izan zen, Bagera Donostiako Euskaltzaleen Elkarteak sortutakoa. Ondoren, 2005ean, Bagerak Berria Taldearen HITZA proiektuarekin bat egin zuen, eta aldizkaria egunkari bihurtzeko fasean sartu zen, honen emaitza da Irutxuloko Hitza. Bagera eta Berriaz gain, Donostiako beste 40 elkarte, eskola eta eragilek parte hartu zuten eraketa honetan.

19 urtean zehar proiektuak aro ezberdinak ezagutu ditu. Hasieran banaketa masiboekin abiatu zen eta, ondoren, ordaindutako harpidetzen bidez banatzen hasi zen. Lehenengo zortzi urteetan zehar tokiko informazioa euskaraz jorratzen zuen egunkaria argitaratu zen, eta 2012tik hona astekaria formatuan landu da. 2018an formatua berritu zen, azalberrituz eta orrialde kopurua handituz. 2020an berriro ere formatuan aldaketa batzuk egin ziren, paper mota eta tamaina berrituz. Webguneari dagokionez, 2007an irutxulokohitza.info sortu zen, ondoren irutxulo.hitza.eus bilakatu zena.