Andy García
| Andy García | |
|---|---|
  Irudi gehiago | |
| Bizitza | |
| Jaiotzako izen-deiturak | Andrés Arturo García Menéndez |
| Jaiotza | Habana, 1956ko apirilaren 12a (68 urte) |
| Herrialdea |  Ameriketako Estatu Batuak  Kuba |
| Bizilekua | Toluca Lake (en)  Key Biscayne (Florida) |
| Lehen hizkuntza | gaztelania |
| Familia | |
| Seme-alabak | ikusi
|
| Hezkuntza | |
| Heziketa | Florida International University (en) Miami Beach Senior High School (en) |
| Hizkuntzak | gaztelania ingelesa |
| Jarduerak | |
| Jarduerak | aktorea, musikagilea, telebista-aktorea, zinema aktorea, film-zuzendaria, zinema ekoizlea eta ahots-aktorea |
| Jasotako sariak | ikusi
|
| Sinesmenak eta ideologia | |
| Alderdi politikoa |  Ameriketako Estatu Batuetako Alderdi Errepublikanoa |
              | |
Andrés Arturo García Menendéz (Habana, Kuba, 1956ko apirilaren 12a) kubatar-estatubatuar aktore bat da. Bost urte zituela, Miamira joan zen bizitzera familiarekin, Fidel Castroren iraultzatik ihes. Kameren aurrean egin zuen lehenengo lana Hill Street Blues telebista-sailean izan zen. Batez ere, latino paperak jokatu ditu: droga-trafikatzaile izan da 8 Million Ways to Die filmean; polizia zintzoa, The Mean Season lanean; italiar harroa, The Untouchables filmean; lagun leiala, Black Rain filman; eta Avila sarjentu ustelgaitza, Internal Affairs filmean. 1990ean, Francis Ford Coppolak The Godfather, Part III (Aitajauna III) filmeko paper nagusietako bat jokatzeko deitu zuen. Film horretan egindako lanarengatik, Estatu Batuetako Ikuslearen Saria jaso zuen 1991n, eta Oscar sarirako izendatu zuten. Gero, beste bi filmetan parte hartu zuen: Black Rain, Ridley Scotten zuzendaritzapean; Jennifer 8, Bruce J. Robinsonen zuzendaritzapean, eta Hero , Stephen Frearsen zuzendaritzapean.1993ko azaroaren 13an, zuzendari gisa egindako lehen lana aurkeztu zuen: Cachao ... Como Su Ritmo No Hay Dos, Israel López Cachao musikari kubatarrari buruzko dokumentala.1994an, When a Man Loves a Woman filmean parte hartu zuen Meg Ryanekin batera, alkoholismoak jota dagoen emakume baten senar eramankorraren papera eginez. Beste hainbat filmetan antzeztu du, besteak beste, Night Falls on Manhattan (1996), Ocean's Eleven (2001), Ocean's Twelve (2004), Ocean's Thirteen (2007) eta City Island (2009) lanetan. 2005ean, gidoi-idazle eta zuzendari-lanei ekin zien, Dustin Hoffman eta Bill Murrayrekin batera, The Lost City filmean.
Erreferentziak
Wikimedia Commonsen badira fitxategi gehiago, gai hau dutenak: Andy García  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q189415
Multimedia: Andy García / Q189415
